Ich, prins Martijn de ieërste van ’t kujeldreijersrieeëk,
De 3e M van Corsten, Boorezoon vanne Hunselerdieëk, Sjutter, vaandeldrager en köning biej de sjutterie. Programmeur van robots in Rooij, Darter van Bie de Tied 3 en leefhebber van ein good glaas beer en plezeer,
Verklaor biej deze;
1e Det ich d’r ontzettendj grueëts op bön de 53e prins vanne kujeldreijers te moge zeen.
2e Det ich Prins Patrick en Prinses Angelina en haor gevolg, mer ouch Jeugdprins Sep en Jeugdprinses Anna ontzettendj wil bedanke veur dae fantastische vastelaovendj van aafgeloupe seizoen.
3e Det ich d’r same mèt Jeugdprins Stan Ie en Jeugdprinses Lis, eine sjoeëne vastelaovendj van gaon make.
4e Osse winkel veur verkoup van os biologische greuntje aan hoes kan ich noe neet biejvölle,
mer wae gaon same van deze vasteaovendj smulle!
5e Det wae noe neet mèt de sjutterie onger de sjeetboum gaon staon,
mer mèt de vastelaovendj d’r vaol veur gaon!
6e Biej ’t dartteam is d’r noe geine piel dae ich versliet,
ich bön veur hieël get anges bie mien Prinsepalies, Bie de Tied.
7e Det d’r mèt de vastelaovendj net zoe weinig pilskes gemisj waere,
as bölkes biej de sjutterie.
8e Mèt drie ongeremdje vriejgezelle adjudante kwome wae nog get ervaring te kort,
mer mët m’n twieë geweldjige hofdames is det hopelijk opgelosj.
9e Ich zèk de baas det ich effe get minder kilomaeters maak in de wage,
ich gaon mich dichter biej hoes misdrage.
10e Det ich d’r same mèt mien Adjudante, Hofdames, de Raod van elluf, de Damesgarde, de Jeugdraod, Kujelvlökskes, de Joekskapel en uch natuurlijk eine knallendje vastelaovendj van gaon make.
11e Neet mèt de vogel mer mèt de scepter ‘nne handj
gaon ich noe door ‘t Kujeldreierslandj.
En det alles onger mien motto;
“Neet sleutele, sjeete, of programere,
mer vastelaovendj vere!”
Alaaf!
Gegaeve te Kelpe – Oler op 12 november 2023
